சாண்ட்விட்ச் ரோல்

பொருட்கள்

• 1 முழு ரொட்டி (வெட்டப்படாதது)
• புதினா சட்னி, தக்காளி சட்னி (இந்தப் புத்தகத்தின் கடைசி பகுதியை பார்க்கவும்)
• 100 கிராம் வெண்ணெய்
• தக்காளி சாஸ் (தேவைக்கேற்ப)
• 2 டேபிள் ஸ்பூன் நறுக்கிய கொத்தமல்லித் தழை

செய்முறை

1. வெட்டப்படாத முழு ரொட்டியை வாங்கி ஒரு பாலிதீன் கவரில் போட்டு நன்றாக மூடி ப்ரிஜ்ஜில் உள்ள ப்ரீசர் (Freezer) உள்ளே 1/2 மணி நேரம் வைக்கவும்.
2. 1/2 மணி நேரம் கழித்து எடுத்து ஒரு கூரான கத்தியால் நீளவாக்கில் மெல்லிய நீளத் துண்டுகளாக்கவும் (Length wise slice).
3. பிரட் துண்டங்களின் ஓரங்களை வெட்டி எடுத்து விடவும்.
4. முதல் ரொட்டித்துண்டை ஒரு சப்பாத்திக் கல்லின் மேல் வைத்து சப்பாத்திக் குழவியால் லேசாக உருட்டவும்.
5. அதன்மேல் சிறிதளவு வெண்ணெயைத் தடவவும்.
6. வெண்ணெய் தடவிய பாகத்தின் மேல் சிறிதளவு கெட்டியான புதினா சட்னியைத் தடவி அதன்மேல் இன்னொரு துண்டை வைத்து வெண்ணெய் தடவி, சிறிதளவு தக்காளி சட்னி தடவவும்.
7. ஒரு மூலையிலிருந்து (அகலப் பாகத்தின் மூலை) பாய் உருட்டுவது போல இரண்டு துண்டுகளையும் ஒன்றாக, கெட்டியாகச் சுருட்டவும்.
8. எல்லா துண்டுகளையும் இதே போல செய்தவுடன், ஒரு பாலீதீன் கவரில் போட்டு நன்றாக மூடி ப்ரீசரில் 1/2 மணி நேரம் வைக்கவும்.
9. சிறிது கெட்டிப்பட்டவுடன் கூர்மையான கத்தியால் வட்ட வடிவமான துண்டுகளாக வெட்டி அழகாக பரிமாறலாம்.
10. குறிப்பு: இதையே ரோல் போல செய்யாமல் ஒன்றன் மேல் ஒன்று வைத்து மூன்று கலர் சாண்ட்விட்ச்சாக பரிமாறலாம். பேக்கரி கடைகளில் ரொட்டியை வெட்டுவதற்கு முன்பு நாம் கேட்டால் நமது விருப்பப்படி இந்த மாதிரி நீளவாக்கில் வெட்டிக் கொடுப்பார்கள்.