பாசிப்பயறு பன்ஸி

பொருட்கள்

• 1 கப் முழு பாசிப் பயறு (குவித்து)
• 3 அல்லது 4 வேகவைத்த உருளைக்கிழங்கு
• 3/4 கப் வேகவைத்த பட்டாணி
• 15 பச்சை மிளகாய் (அரைக்க)
• 1/2 அங்குலத் துண்டு இஞ்சி (அரைக்க)
• 2 சிட்டிகை பெருங்காயம்
• 1/2 டீஸ்பூன் சர்க்கரை
• 1/2 டீஸ்பூன் சமையல் சோடா
• தேவைக்கேற்ப உப்பு
• 2 1/2 டேபிள் ஸ்பூன் பொடியாக நறுக்கிய கொத்தமல்லித் தழை
• 1/2 கப் நறுக்கிய வெங்காயம்
• எண்ணெய் (சுடுவதற்கு)

செய்முறை

1. பயறைக் கழுவி தண்ணீர் விட்டு 8 மணி நேரம் ஊற வைக்கவும். இஞ்சி, பச்சைமிளகாய், உப்பு இவற்றை ஊறிய பயறோடு சேர்த்து கரகரப்பாக கெட்டியான விழுதாக அரைக்கவும்.
2. வேக வைத்த உருளைக்கிழங்கை தோலுரித்து மசிக்கவும். பட்டாணியையும் லேசாக மசித்துக் கொள்ளவும். வெங்காயத்தை எண்ணெயில் வதக்கிக் கொள்ளவும்.
3. அரைத்த விழுதோடு மசித்த காய்கறிகளையும், வதக்கிய வெங்காயம், கொத்தமல்லி, சர்க்கரை, சோடா சேர்த்து 1 டேபிள் ஸ்பூன் எண்ணெய் சேர்த்து சப்பாத்தி மாவு போல கெட்டியாகப் பிசையவும்.
4. அகலமான வாழையிலைத் துண்டு ஒரே அளவில் இரண்டு எடுத்துக் கொள்ளவும். இரண்டிற்கும் உள்ளே எண்ணெய் தடவி கையளவு மாவு எடுத்து ஒரு இலையின் மேல் அடை போல தட்டவும். மேலே இன்னொரு இலையால் மூடவும்.
5. தோசைக்கல்லை சூடாக்கி இந்த இலையை அப்படியே போடவும். இலை நன்கு கருப்பாக கருகும்வரை குறைந்த அளவில் வைக்கவும். திருப்பிப் போட்டு மறுபுறமும் அதேபோல சுடவும்.
6. இலையை எடுத்துவிட்டு சூடாக வெங்காயச் சட்னி அல்லது தேங்காய் சட்னியோடு பரிமாறவும்.
7. குறிப்பு: இலை கிடைக்காவிடில் நேரடியாக தோசைக்கல்லில் எண்ணெய் விட்டு குறைந்த அனலில் மூடி வைத்து சுடவும்.