பயத்தம் பருப்பு தயிர் பக்கோடா

பொருட்கள்

• 1 கப் பயத்தம் பருப்பு
• எண்ணெய் (பொரிக்கத் தேவையான அளவு)
• 1 கப் கடைந்த கட்டித் தயிர்
• உப்பு, மிளகாய்ப் பொடி (தேவைக்கேற்ப)
• 1 டீஸ்பூன் தயிர் மசாலா பொடி
• தக்காளி சாஸ் (தேவைக்கேற்ப)
• 1 டீஸ்பூன் சுக்கு பொடி (தயிர் மசாலா பவுடருக்கு)
• 1 டீஸ்பூன் மிளகுப் பொடி (தயிர் மசாலா பவுடருக்கு)
• 1 டீஸ்பூன் வறுத்த சீரகப் பொடி (தயிர் மசாலா பவுடருக்கு)
• 1 டீஸ்பூன் கருப்பு உப்பு பொடி (தயிர் மசாலா பவுடருக்கு)

செய்முறை

1. பருப்பை கழுவி தண்ணீர் விட்டு 2 மணி நேரம் ஊற வைக்கவும்.
2. நன்றாக ஊறியதும் தண்ணீரை வடித்து விட்டு நுரைக்க வடை மாவு போல அரைக்கவும். உப்பைக் கடைசியில் சேர்த்து ஒரு நிமிடம் அரைத்து பிறகு எடுக்கவும்.
3. வாணலியில் எண்ணெயை விட்டுச் சூடாக்கி, கையால் தண்ணீரைத் தொட்டு மாவை சிறுசிறு உருண்டைகளாகப் போண்டா போல பொரித்து எடுக்கவும்.
4. வடிதட்டில் போட்டு எண்ணெய் வடிந்ததும் ஒரு தட்டில் அடுக்கவும்.
5. கடைந்த தயிரை அதன்மேல் ஊற்றி உப்பு, மிளகாய்த்தூள், சிறிது தயிர் மசாலாத் தூள், தக்காளி சாஸ் தெளித்து உடனே பரிமாறவும்.
6. தயிர் மசாலா பவுடர்: மேலே குறிப்பிடப்பட்டுள்ள பொருட்களை தனித்தனியாகப் பொடி செய்து பிறகு ஒன்றாகக் கலந்து வைக்கவும். இந்த பொடியை எந்தவிதமான தயிர் வடைக்கும் மேலே தூவ உபயோகப்படுத்தலாம்.
7. மாற்று செய்முறை: முழுபயறை 6 மணி நேரம் ஊற வைக்கவும். ஊறியதும் கைகளால் அளைந்து விட்டு மேலே வரும் தோலை எடுத்துவிடவும். தண்ணீரை நன்கு வடித்துவிட்டு அரைக்கவும். தயிரில் போடாமல் பொரித்த பக்கோடாவை அப்படியே சூடாகவும் பரிமாறலாம்.