புதினா பக்கோடா

பொருட்கள்

• 1 கப் கடலைப் பருப்பு
• 1 கப் பொடியாக நறுக்கிய புதினாத் தழை
• 1/3 கப் பொடியாக நறுக்கிய கொத்தமல்லித் தழை
• தேவைக்கேற்ப உப்பு
• எண்ணெய் (பொரிக்கத் தேவையான அளவு)
• 1 அங்குலத் துண்டு இஞ்சி (அரைக்க)
• 10 பச்சை மிளகாய் (அரைக்க)

செய்முறை

1. கடலைப் பருப்பைக் கழுவி முழுகும் வரை தண்ணீர் விட்டு 2 மணி நேரம் ஊறவைக்கவும்.
2. நன்றாக ஊறியதும் தண்ணீரை வடித்து விட்டு வடைக்கு அரைப்பது போல கரகரப்பாக அரைக்கவும்.
3. கடைசியில் உப்பு சேர்த்துக் கலந்து அரிந்த புதினா, கொத்தமல்லி, மற்றும் அரைத்த விழுது சேர்த்து எல்லாவற்றையும் நன்கு கலக்கவும்.
4. 2 டேபிள் ஸ்பூன் சூடான எண்ணெய் இதில் விட்டுக் கலக்கவும்.
5. சிறிய உருண்டைகளாக உருட்டி சூடான எண்ணெயில் பொன்னிறமாகப் பொரித்தெடுக்கவும்.
6. கவனிக்க: புதினாவைக் கழுவி அரிந்த உடனே மாவில் கலந்து விடவும். அரிந்தபின் அப்படியே வைத்திருந்தால் கசப்பேறி விடும். சிறிது பொடி உப்பு சேர்த்துப் பிசறினால் சிறிது நேரம்வரை வைத்திருக்கலாம்.