புதினா கபாப்

பொருட்கள்

• 1/2 கிலோ உருளைக்கிழங்கு
• 1/2 கப் முளைவிட்ட பாசிப்பயறு
• 1/4 கப் பொடியாக நறுக்கிய வெங்காயம்
• 3 கேரட்
• 8 ரொட்டித் துண்டுகள்
• 3 டேபிள் ஸ்பூன் காய்ந்த ரொட்டித் தூள் (அ) ரஸ்க் தூள்
• தேவைக்கேற்ப உப்பு
• 5 டேபிள் ஸ்பூன் கடலை மாவு
• 1/2 டீஸ்பூன் கரம்மசாலா பொடி
• எண்ணெய் (பொரிக்கத் தேவையான அளவு)
• 6 பச்சை மிளகாய் (அரைக்க)
• 4 காய்ந்த மிளகாய் (அரைக்க)
• 3 பல்லு பூண்டு (அரைக்க)
• 1 அங்குலத் துண்டு இஞ்சி (அரைக்க)
• 1/4 கப் புதினா இலை (அரைக்க)
• 1 டேபிள் ஸ்பூன் பொட்டுக்கடலை (அரைக்க)

செய்முறை

1. கேரட், உருளைக்கிழங்கை நன்றாகக் கழுவி முழுதாகவே குக்கரில் வேக வைக்கவும். நன்கு வெந்ததும், உருளைக்கிழங்கின் தோலை எடுத்துவிட்டு, கேரட்டோடு சேர்த்து சூடாக இருக்கும் போதே நன்றாக மசித்துக் கொள்ளவும்.
2. முளைபயறை, குக்கரில் ஆவியில் 3 நிமிடம் வேக வைக்கவும்.
3. வாணலியில் எண்ணெய் விட்டுச் சூடாக்கி, பொடியாக அரிந்த வெங்காயத்தை பொன்னிறமாகும் வரை வதக்கி வெந்த பயறைச் சேர்த்து கலந்து ஈரம் வற்றியதும் அரைத்த விழுதைச் சேர்த்து பச்சை வாசனை போகும் வரை கிளறவும்.
4. மசாலா வாசனை நன்கு வரும்போது கடலை மாவைச் சேர்த்து 2 நிமிடம் குறைந்த அனலில் வதக்கவும். கடைசியில் மசித்த உருளைக்கிழங்கு கேரட் கலவையைச் சேர்த்து உப்பு, கரம்மசாலா பொடி சேர்த்து மேலும் சில நிமிடங்கள் வதக்கவும்.
5. அடுப்பிலிருந்து இறக்கி நன்கு ஆற வைக்கவும். பிரட் துண்டங்களை ஒவ்வொன்றாகத் தண்ணீரில் முக்கி எடுத்து அதைக் கெட்டியாகப் பிழிந்து வேந்த கலவையில் சேர்க்கவும்.
6. இதை எலுமிச்சையளவு உருண்டைகளாக்கி காய்ந்த ரொட்டித் தூளில் புரட்டி எடுத்து நீளவாக்கில் ஜாமூனைப் போல உருட்டி, சூடான எண்ணெயில் பொன்னிறமாகப் பொரிக்கவும்.