மங்களூர் போண்டா

பொருட்கள்

• 1 கப் மைதா
• 1/4 கப் அரிசி மாவு
• 1 டேபிள் ஸ்பூன் ரவை
• 1/4 கப் பொடியாக நறுக்கிய வெங்காயம்
• 1 டேபிள் ஸ்பூன் பொடியாக நறுக்கிய பச்சை மிளகாய்
• 2 டேபிள் ஸ்பூன் பொடியாக நறுக்கிய கொத்தமல்லி, கறிவேப்பிலைத் தழை
• 2 சிட்டிகை சமையல் சோடா
• தேவைக்கேற்ப உப்பு
• 1 கப் புளித்த கெட்டித் தயிர்
• எண்ணெய் (பொரிக்கத் தேவையான அளவு)

செய்முறை

1. மாவு வகைகளையும் ரவையையும் தயிரில் கலந்து 5 அல்லது 6 மணி நேரம் உப்பு சேர்த்து ஊறவைக்கவும்.
2. வெங்காயம், மிளகாய், கொத்தமல்லி, கறிவேப்பிலை, சமையல் சோடா போன்றவற்றை பொரிப்பதற்கு சற்று முன் கலக்கவும்.
3. வாணலியில் எண்ணெயைக் காயவைத்து, ஈரக் கைகளால் மாவைக் கிள்ளி உருண்டையாக எண்ணெயில் போட்டு பொரித்தெடுக்கவும்.
4. சூடாக தேங்காய் சட்னியுடன் பரிமாறவும்.
5. குறிப்பு: தயிர் அளவு மாவிற்குத் தகுந்து அதிகமாகவோ, குறைவாகவோ பிடிக்கலாம். தண்ணீர் சேர்க்க வேண்டாம். புளிப்புத் தயிரையே உபயோகப்படுத்தவும்.
6. மாற்று செய்முறை: (1) ரவை, மைதா, அரிசி மாவு சம அளவு கலந்தும் போண்டா செய்யலாம். (2) ரவையை மட்டும் தயிரில் ஊறவைத்தும் போண்டா செய்யலாம். (3) இந்த மாவிலேயே பொடியாக நறுக்கிய கீரை அல்லது காய்கறிகளைக் கலந்து போண்டா போட்டால் சுவையாக இருக்கும்.