கிஞ்ச மோசரா

பொருட்கள்

• 125 கிராம் மைதா மாவு
• 1½ தேக்கரண்டி வற்றல் பொடி
• ½ கிலோ உருளைக்கிழங்கு (வேகவைத்து மசித்தது)
• ¼ தேக்கரண்டி மஞ்சள் பொடி
• 100 கிராம் பச்சை பட்டாணி (வேகவைத்தது)
• 25 கிராம் மல்லி இலை (நறுக்கியது)
• ¼ கிலோ கடலை எண்ணெய் (பொரிக்க)
• ½ தேக்கரண்டி சிட்ரிக் ஆசிட்
• சிறுதுண்டு இஞ்சி
• ½ தேக்கரண்டி சீரகம்
• 1 தேக்கரண்டி கரம் மசாலா
• 1 தேக்கரண்டி முந்திரிப்பருப்பு
• 1 தேக்கரண்டி உலர்ந்த திராட்சை
• தேவையான அளவு உப்பு
• 2 பச்சை மிளகாய்

செய்முறை

1. உருளைக்கிழங்கை வேக வைத்து நன்கு மசித்துக் கொள்ளவும். அத்துடன் வற்றல் பொடி, மஞ்சள் பொடி, தேவையான உப்பு, இஞ்சி, கரம் மசாலா, வேக வைத்த பட்டாணி, முந்திரிப்பருப்பு, உலர்ந்த திராட்சை, மல்லி, மிளகாய், சிட்ரிக் ஆசிட் எல்லாவற்றையும் கலந்து கொள்ளவும்.
2. வாணலியில் 1 மேஜைக்கரண்டி எண்ணெய் விட்டு சீரகத்தைப் பொரித்து கலவையை வதக்கி பின்னர் ஆறவைக்கவும்.
3. மைதா மாவுடன் 2 மேஜைக்கரண்டி எண்ணெயை விட்டு, தேவையான உப்பும் போட்டு தண்ணீர் விட்டுப் பிசைந்து கொள்ளவும்.
4. இந்த மாவை சுட்டு சப்பாத்திகளாக இட்டு ஒவ்வொன்றையும் இரண்டு பகுதிகளாக வெட்டிக் கொள்ளவும். ஒவ்வொரு பகுதியையும் கூம்பு வடிவமாக மடித்து உள்ளே உருளைக்கிழங்கு கலவையை நிரப்பி லேசாக விரலில் தண்ணீர் தொட்டு ஓரங்களை மடித்துக் கொள்ளவும்.
5. பின்பு பொன் நிறமாகப் பொரித்து எடுத்துக்கொள்ளவும்.