ஃபிங்கர் சிப்ஸ்

பொருட்கள்

• 1/2 கிலோ உருளைக்கிழங்கு
• தேவைக்கேற்ப உப்பு
• 1 டீஸ்பூன் மிளகுப் பொடி (அ) மிளகாய்ப் பொடி
• எண்ணெய் (பொரிக்கத் தேவையான அளவு)

செய்முறை

1. உருளைக்கிழங்கை நீளமான சைசில் பொறுக்கி எடுத்து தோல் சீவவும்.
2. விரல்களைப் போல பருமனுள்ள துண்டங்களாக வெட்டி உப்பு சேர்த்த நீரில் போடவும்.
3. எல்லா உருளைக்கிழங்குகளையும் அரிந்தபின் தண்ணீரில் மூன்று அல்லது 4 முறை கழுவவும் (அதிலுள்ள ஸ்டார்ச் குறைந்து தண்ணீர் தெளிவாக இருக்கும்வரை கழுவலாம்).
4. தண்ணீரை நன்கு வடித்து விட்டு ஒரு துணியின் மேல் பரப்பி ஈரம் உறிஞ்சப்பட்டவுடன் சூடான எண்ணெயில் கொஞ்சம் கொஞ்சமாகப் பொரித்தெடுக்கவும் (லேசான பொன்னிறம் வரும்வரை).
5. பொரித்தபின் எண்ணெயை நன்றாக வடித்துவிட்டு உப்பு, மிளகுத்தூள் தூவி சூடாக தக்காளி சாஸுடன் பரிமாறவும்.