சைனீஸ் பொரித்த டோஸ்ட்

பொருட்கள்

• 1 ரொட்டி (பெரியது)
• எண்ணெய் (பொரிப்பதற்கு)
• 1/2 கிலோ வேகவைத்து மசித்த உருளைக்கிழங்கு
• 2 டேபிள் ஸ்பூன் வினிகர்
• சீன வகை மசாலா (ஸ்பிரிங் ரோலில் கூறியுள்ளபடி தயாரிக்கவும்)
• காய்ந்த ரொட்டித் தூள் (தேவைக்கேற்ப)
• 3 டேபிள் ஸ்பூன் மைதா மாவு (சிறிது தண்ணீரில் பசைபோல குழைக்கவும்)

செய்முறை

1. ரொட்டித் துண்டங்களின் ஓரங்களை கத்தரித்து விட்டு நான்கு சிறிய சதுரத்துண்டங்களாக அரியவும். ஸ்பிரிங் ரோலில் கூறியபடி மசாலா செய்து கொள்ளவும்.
2. உருளைக்கிழங்கை வேக வைத்து தோலுரித்து சூடாக இருக்கும்போதே கட்டியில்லாமல் நைசாக மசிக்கவும். இந்த மசித்த உருளைக்கிழங்கை காய்கறி மசாலாவோடு கலந்து சிறிது வினிகர், உப்பு, மிளகுத் தூள் சேர்த்து கலக்கவும்.
3. ஒரு பிரட் துண்டின் மேல் சிறிது மசாலா வைத்து அதன் மேல் மைதா பசையைப் பூசி அதன் மேல் பிரட்தூள் தூவி கையால் நன்கு அமுக்கி வைக்கவும். இதை 1/2 மணி நேரம் ப்ரிஜ்ஜில் வைக்கவும்.
4. வாணலியில் எண்ணெய் விட்டுச் சூடாக்கி, காய்கறி பக்கம் அடியில் இருக்குமாறு ரொட்டித் துண்டங்களை 4 அல்லது 5 வரை எண்ணெயில் போடவும். மெதுவாகத் திருப்பிவிட்டு இரண்டாவது பக்கமும் பொன்னிறமானதும் எடுத்து எண்ணெயை நன்றாக வடியவிடவும்.
5. சூடாகத் தக்காளி சாஸுடன் பரிமாறவும். குறிப்பு: குழிவான வாணலியை விட பீழ்ப்பாகம் அகலமாக உள்ள சாஸ் பான் இருந்தால் அல்லது ஆம்லெட் பானில் எண்ணெய் ஒரு அங்குல கனத்திற்கு விட்டு சூடாக்கி ரொட்டியைப் பொரித்தால் நன்றாக, சுலபமாக வரும்.