சீன காலிப்ளவர் மஞ்சூரியன்

பொருட்கள்

• 1 காலிப்ளவர் (பெரியது)
• 3 டேபிள் ஸ்பூன் மக்காச்சோள மாவு (குவித்து)
• தேவையான அளவு உப்பு
• 1 டேபிள் ஸ்பூன் சோயா சாஸ்
• 1 டேபிள் ஸ்பூன் வோர்செஸ்டர்ஷயர் சாஸ்
• 1/2 டீஸ்பூன் அஜி-நோ-மோட்டோ
• எண்ணெய் (தேவையான அளவு)
• 1/2 டீஸ்பூன் வெள்ளை மிளகுத் தூள்
• 1 இஞ்சி (சிறிய துண்டு, அரைக்க)
• 4 பல்லு பூண்டு (அரைக்க)
• 7 பச்சை மிளகாய் (அரைக்க)

செய்முறை

1. காலிப்ளவரை சிறிய பூக்களாகப் பிரித்தெடுக்கவும். கொதிக்கும் சூடு உள்ள தண்ணீரில் உப்பு சேர்த்து கழுவிய காலிப்ளவர் துண்டங்களை இரண்டு நிமிடம் போட்டு மூடி வைக்கவும்.
2. தண்ணீரை நன்கு வடித்துவிட்டு துணியின் மேல்பரப்பி மீதி தண்ணீரை உறிஞ்சும்படி வைக்கவும்.
3. அரைத்த விழுதோடு உப்பு, வெள்ளை மிளகுத் தூள், சாஸ் வகைகளைக் கலந்து இதை காலிப்ளவர் துண்டங்களின் மேல் நன்றாகப் பூசி 1/2 மணி நேரம் ஊற வைக்கவும்.
4. பொரிப்பதற்கு முன் இதில் மக்காச்சோளமாவைத் தூவி சூடான எண்ணெயில் பொரித்து சூடாகப் பரிமாறவும்.
5. மாற்று செய்முறை: இதே போல பலவித காய்கறிகளைக் கலந்தும் செய்யலாம் (கேரட், உருளைக்கிழங்கு, குடமிளகாய், கோஸ் போன்ற காய்கறிகளை உபயோகப்படுத்தவும்).