திடீர் பிரட் தயிர்வடை

பொருட்கள்

• 12 துண்டுகள் ரொட்டி
• 1/4 கப் பால்
• தேவைக்கேற்ப உப்பு
• 1/2 டீஸ்பூன் சர்க்கரை
• 1 கப் கெட்டியான தயிர்
• 1/2 டீஸ்பூன் மிளகாய்ப் பொடி
• 2 டேபிள் ஸ்பூன் இனிப்பு சட்னி (பானிபூரி செய்முறைக் குறிப்பில் உள்ளது)
• 1 1/2 டீஸ்பூன் வறுத்த சீரகப் பொடி
• 1 டேபிள் ஸ்பூன் நறுக்கிய கொத்தமல்லித் தழை
• 1/2 டீஸ்பூன் கருப்பு உப்பு

செய்முறை

1. ரொட்டித் துண்டங்களின் ஓரங்களை கத்தரித்து விடவும்.
2. ரொட்டியைப் பிய்த்து சிறிதளவு பால் தெளித்து மிருதுவான மாவாக பிசையவும் (அதிகம் பிசைய வேண்டாம்).
3. இந்த மாவை சிறு எலுமிச்சையளவு உருண்டை செய்து வடை போல தட்டி ஒரு அகலத்தட்டில் மத்தியில் இடமிருக்கும்படி வைக்கவும்.
4. கெட்டியான தயிரை (புளிக்கக் கூடாது) லேசாகக் கடைந்து சிறிது உப்பு, சர்க்கரை சேர்த்துக் கொள்ளவும்.
5. பரிமாறுவதற்கு முன்பு இந்த தயிரை பிரட் வடையின் மேலே ஊற்றவும்.
6. அதற்கு மேலே கருப்பு உப்புத் தூள், உப்பு, சீரகத் தூள், மிளகாய்த் தூள் தூவவும். கொத்தமல்லித் தழை அலங்கரித்து அதற்கும் மேலே சிறிதளவு இனிப்புச் சட்னியை ஊற்றி பரிமாறவும்.
7. குறிப்பு: திடீர் விருந்தாளிகள் வந்து விட்டால் இந்த வடையை சில நிமிடங்களில் செய்யலாம். மிகவும் சுவையாகவும் இருக்கும்.