உருளைக்கிழங்கு போண்டா

பொருட்கள்

• 1/2 கிலோ வேகவைத்த உருளைக்கிழங்கு (பூரணத்திற்கு)
• 1/2 கப் பொடியாக நறுக்கிய வெங்காயம்
• 2 டீஸ்பூன் நறுக்கிய பச்சை மிளகாய்
• தேவைக்கேற்ப உப்பு
• 3 டேபிள் ஸ்பூன் பொடியாக நறுக்கிய கொத்தமல்லித் தழை
• 1 எலுமிச்சம்பழம்
• மேல்மாவு (வெஜிடபிள் போண்டா செய்முறையில் கொடுக்கப்பட்டுள்ளபடி தயாரிக்கவும்)

செய்முறை

1. வேக வைத்த உருளைக்கிழங்கின் தோலை எடுத்துவிட்டு சூடாக இருக்கும்போதே மசித்துக் கொள்ளவும்.
2. மிகப் பொடியாக அரிந்த வெங்காயம், பச்சை மிளகாய், உப்பு சேர்த்துக் கலந்து எலுமிச்சம்பழம் பிழியவும்.
3. கொத்தமல்லியையும் சேர்த்துப் பிசைந்து உருண்டைகள் செய்யவும்.
4. வெஜிடபிள் போண்டாவில் கூறியபடி கடலை மாவு கலவை கலந்து உருண்டைகளை அதில் முக்கி எடுத்து சூடான எண்ணெயில் பொரித்து எடுக்கவும்.
5. கவனிக்க: இந்த போண்டாவிற்கு, வெங்காயத்தை வதக்காமல் அப்படியே பச்சையாகவே கலந்து போட வேண்டும்.
6. மாற்று செய்முறை: வெங்காயத்தை வதக்கி உருளைக்கிழங்கு, பட்டாணி சேர்த்து மசாலா தயாரித்து போண்டா செய்யவும்.