ஆலு சாட் - 1

பொருட்கள்

• 1/2 கிலோ வேகவைத்த உருளைக்கிழங்கு (சிறியது, ஒரே அளவானது)
• 1 கப் கெட்டியான தயிர்
• சாட் மசாலா பொடி (தேவைக்கேற்ப)
• 2 பச்சை மிளகாய் (கொத்தமல்லி சட்னிக்கு, அரைக்க)
• 1/2 டீஸ்பூன் உப்பு (கொத்தமல்லி சட்னிக்கு, அரைக்க)
• 1 கட்டு கொத்தமல்லித் தழை (கொத்தமல்லி சட்னிக்கு, அரைக்க)
• 1/2 கப் நீர்த்த புளிக்கரைசல் (இனிப்பு-புளிப்பு சாஸிற்கு)
• 1 டேபிள் ஸ்பூன் தனியா பொடி (இனிப்பு-புளிப்பு சாஸிற்கு)
• 1/4 கப் சர்க்கரை (அ) வெல்லம் (இனிப்பு-புளிப்பு சாஸிற்கு)
• உப்பு, மிளகாய்ப்பொடி (இனிப்பு-புளிப்பு சாஸிற்கு, தேவைக்கேற்ப)
• 1 டீஸ்பூன் வறுத்த சீரகப்பொடி (இனிப்பு-புளிப்பு சாஸிற்கு)

செய்முறை

1. ஒரே அளவிலான சிறிய உருளைக்கிழங்கை வாங்கவும்.
2. இதை வேக வைத்து, தோலெடுத்து மத்தியில் இரண்டாக வெட்டவும்.
3. வெட்டிய பாகத்தில் சிறிதளவு கொத்தமல்லி சட்னியைத் தடவி இரண்டு பாகத்தையும் ஒட்டி விடவும்.
4. புளிப்பில்லாத தயிரைக் கடைந்து சிறிது உப்பு, சர்க்கரை சேர்த்துக் கொள்ளவும்.
5. புளிக் கரைசலை சிறிது நேரம் நன்றாக கொதிக்க வைத்து பச்சை வாசனை போனதும் உப்பு, மிளகாய்த் தூள், துருவிய வெல்லம் சேர்த்துக் கலக்கவும். அடுப்பிலிருந்து இறக்குவதற்கு முன்பு தனியா, சீரகத் தூள் கலந்து இறக்கவும்.
6. உருளைக்கிழங்கை ஒரு தட்டில் அலங்காரமாக வைக்கவும்.
7. அதன்மேல் இனிப்பு, புளிப்பு சாஸை ஊற்றி, அதன் மேல் கடைந்த தயிரை ஊற்றவும்.
8. சிறிதளவு மேலே சாட் மசாலாத் தூளைத் தூவி உடனே பரிமாறவும்.