வெஜிடபிள் சிஸ்லர்ஸ்

பொருட்கள்

• 2, 2 வெங்காயம், கேரட்
• 2 (அ) 3 தக்காளி
• 150 கிராம் வெள்ளரிக்காய்
• 150 கிராம் முட்டைக்கோஸ்
• 100 கிராம் உரித்த பட்டாணி
• 2 குடமிளகாய்
• 1 (அ) 2 வெங்காயத் தாள்
• 2 உருளைக்கிழங்கு (வேக வைத்தது)
• வோர்செஸ்டர்ஷயர் சாஸ், தக்காளி சாஸ், மிளகாய் சாஸ் (தேவைக்கேற்ப)
• 2 சுட்ட கட்லெட்
• 2 டேபிள் ஸ்பூன் வினிகர்
• 100 கிராம் வெண்ணெய்
• 6 காய்ந்த மிளகாய் (அரைக்க)
• 3 பல்லு பூண்டு (அரைக்க)
• 1/4 டீஸ்பூன் கடுகு (அரைக்க)
• 1/4 டீஸ்பூன் உப்பு (அரைக்க)

செய்முறை

1. பட்டாணியை வேக வைக்கவும். முழு கேரட் மற்றும் 3 அங்குல சதுரத் துண்டங்களாக அரிந்த கோஸ் இரண்டையும் மிகச் சூடான தண்ணீரில் போட்டு 2 நிமிடம் வைக்கவும். பிறகு தண்ணீரை வடிக்கவும்.
2. வெங்காயம், குடமிளகாய், தக்காளி மற்றும் வெள்ளரிக்காயை மெல்லிய வட்டத் துண்டங்களாக்கவும்.
3. சுடுதண்ணீரில் போட்டெடுத்த கேரட்டை மெல்லிய வட்டத் துண்டங்களாக அரியவும். உருளைக்கிழங்கை தோலெடுத்து வட்டமாக அரியவும்.
4. எல்லா காய்கறிகளையும் முள்கரண்டி (Fork) உதவியால் குத்தி அரைத்த விழுதை அதில் பூசவும்.
5. ஒரு தோசைக்கல்லில் பாதி வெண்ணெயை உருக்கி அதில் இந்த காய்கறிகளை அடுக்கவும். லேசாக சுட்டதும் திருப்பிவிட்டு கட்டு எடுக்கவும்.
6. சிஸ்லர் செய்யும் தோசைக்கல்லை நன்றாகச் சூடாக்கி மத்தியில் சுட்ட கட்லெட்டையும் மற்ற காய்கறிகளையும் அலங்காரமாக அடுக்கவும்.
7. எல்லா சாஸ் வகைகளிலும் 1½ டேபிள் ஸ்பூன் எடுத்துக் கலந்து மேலே தெளித்து பாதி வெண்ணெயை காய்கறிகளைச் சுற்றி விடவும்.
8. நன்றாகச் சூடானதும் வினிகரை மேலே தெளிக்கவும். தெளித்த உடனே அதிலிருந்து சப்தம் வரும். அந்த சப்தத்தோடு சூடான கல்லை அப்படியே அதற்கென உள்ள மர ஸ்டாண்டில் வைத்து பரிமாறவும்.
9. குறிப்பு: வெண்ணெய் மற்றும் வினிகர் சூடான கல்லின் மேல் சேரும்போது படபடவென்று சப்தம் வருகிறது. அதனாலேயே இதற்கு 'சிஸ்லர்ஸ்' (Sizzlers) என்ற பெயர். சிஸ்லர் பான் (Sizzler Pan) என்று கேட்டால் கடைகளில் கிடைக்கும்.