வெஜிடபிள் ஃபிங்கர்ஸ்

பொருட்கள்

• 1/2 கப் பாசிப் பருப்பு
• 1 டீஸ்பூன் இஞ்சி பூண்டு விழுது
• 1 டீஸ்பூன் நசுக்கிய பச்சைமிளகாய்
• 3 டேபிள் ஸ்பூன் நறுக்கிய வெங்காயம்
• 1/2 கப் மிகப் பொடியாக நறுக்கிய காய்கறிகள் (கேரட், பீன்ஸ், காலிபிளவர், முட்டைக்கோஸ்)
• தேவையான அளவு உப்பு
• 3 டேபிள் ஸ்பூன் புளித்த கெட்டித் தயிர்
• 1/4 டீஸ்பூன் சமையல் சோடா
• எண்ணெய் (தேவையான அளவு, பொரிக்க)

செய்முறை

1. பருப்பைக் கழுவி தண்ணீரில் 2 மணி நேரம் ஊற வைக்கவும். தண்ணீரை நன்கு வடித்து விட்டு கெட்டியாக அரைக்கவும். கடைசியில் உப்பு சேர்க்கவும்.
2. நறுக்கிய காய்கறிகளை ஆவியில் வேக வைக்கவும். சிறிது எண்ணெயை வாணலியில் விட்டுச் சூடாக்கி இஞ்சி பூண்டு விழுது, வெங்காயம் சேர்க்கவும். வதங்கியதும் வேகவைத்த காய்கறிகளைச் சேர்க்கவும். நன்றாகக் கலந்து இறக்கவும்.
3. வதங்கிய காய்கறிகளை அரைத்த பருப்பு விழுதுடன் கலந்து தயிர், சோடா சேர்க்கவும். நன்றாகக் கலந்து எண்ணெய் தடவிய பெரிய குக்கர் தட்டில் பரப்பி இட்லி போல ஆவியில் வேக வைக்கவும் (10-12 நிமிடம்).
4. வெந்ததும் இறக்கி நன்றாக ஆற வைக்கவும். இதை விரல்கள் போல வெட்டிக் கொள்ளவும். சூடான எண்ணெயில் பொன்னிறமாகப் பொரித்து சூடாகப் பரிமாறவும்.