வெஜிடபிள் போண்டா

பொருட்கள்

• 1 கப் கடலை மாவு (மேல் மாவிற்கு)
• 1/3 கப் அரிசி மாவு (மேல் மாவிற்கு)
• தேவைக்கேற்ப உப்பு (மேல் மாவிற்கு)
• 3/4 டீஸ்பூன் மிளகாய்ப் பொடி (மேல் மாவிற்கு)
• 2 சிட்டிகை சமையல் சோடா (மேல் மாவிற்கு)
• 1/2 கப் பொடியாக நறுக்கிய வெங்காயம் (காய்கறி மசாலாவிற்கு)
• 3 கப் பொடியாக அரிந்த காய்கறித் துண்டுகள் (உருளைக்கிழங்கு, பீன்ஸ், கேரட், காலிப்ளவர், பீட்ரூட்)
• 1/4 கப் உரித்த பட்டாணி
• 1/2 டீஸ்பூன் இஞ்சி, பூண்டு விழுது
• 1 1/2 டீஸ்பூன் நசுக்கிய பச்சை மிளகாய்
• தேவைக்கேற்ப உப்பு (காய்கறி மசாலாவிற்கு)
• 2 டேபிள் ஸ்பூன் பொடியாக நறுக்கிய கொத்தமல்லித் தழை
• 1/4 டீஸ்பூன் மஞ்சள் தூள்
• எண்ணெய் (பொரிப்பதற்குத் தேவையான அளவு)
• 1 எலுமிச்சம்பழம்

செய்முறை

1. நறுக்கிய காய்கறிகளில் தண்ணீர் சேர்க்காமல் ஆவியில் (பிரஷர் குக்கரில்) வேக வைக்கவும்.
2. வெந்தபின் அதில் ஈரப்பசை இருந்தால் ஒரு வடிகட்டியின் உதவியால் வடிய வைக்கவும்.
3. வாணலியில் சிறிது எண்ணெய் விட்டுச் சூடாக்கி இஞ்சி-பூண்டு விழுது, பொடியாக அரிந்த வெங்காயம் சேர்த்து பொன்னிறமாகும் வரை வதக்கவும்.
4. அதிலேயே மிளகாய் விழுது, மஞ்சள் தூள் சேர்த்து வேந்த காய்கறிகளைச் சேர்க்கவும்.
5. பெரிய அனலில் சிறிது நேரம் நன்கு வதக்கவும்.
6. ஈரம் நன்கு வற்றி காய்கறிக் கலவை ஒன்றுசேர்ந்து வரும்போது உப்பு, நறுக்கிய கொத்தமல்லி சேர்த்து கலந்து அடுப்பிலிருந்து இறக்கவும்.
7. அதில் எலுமிச்சைச் சாறு பிழிந்து நன்றாகக் கலக்கவும்.
8. மசாலா நன்கு ஆறியதும் எலுமிச்சங்காயளவு உருண்டைகள் செய்யவும்.
9. சலித்த கடலை மாவு, அரிசி மாவு, உப்பு, சோடா, மிளகாய்த் தூள் சேர்த்து கலந்து கொஞ்சம் கொஞ்சமாகத் தண்ணீர் சேர்த்து கட்டி தட்டாமல் மாவைத் தயாரிக்கவும் (தோசைமாவு பக்குவத்தில்).
10. செய்து வைத்துள்ள மசாலா உருண்டைகளை ஒவ்வொன்றாக அதில் தோய்த்து எடுத்து சூடான எண்ணெயில் கொள்ளுமளவிற்குப் போட்டு பொரிக்கவும். சூடாகப் பரிமாறவும்.