தக்காளி கெட்ச்அப்

பொருட்கள்

• 1 கிலோ தக்காளி
• 1 1/2 டேபிள் ஸ்பூன் உப்பு
• 2 டேபிள் ஸ்பூன் சர்க்கரை
• 1/2 கப் வினிகர் (புளிப்பு காடி)
• 1/4 டீஸ்பூன் பொட்டாசியம்-மெடா-பை-சல்பைட் (K.M.S.)
• 3 பட்டை (சிறிய துண்டுகள்; கீழேயுள்ளவற்றுடன் கரகரப்பாக பொடி செய்து மெல்லிய துணியில் மூட்டையாக கட்டவும்)
• 4 இலவங்கம் (மூட்டைக்கு)
• 4 ஏலக்காய் (மூட்டைக்கு)
• 4 பல்லு பூண்டு (மூட்டைக்கு)
• 6 (அ) 1/2 உரித்த சிறிய வெங்காயம் (அ) பெரிய வெங்காயம் (மூட்டைக்கு)
• 1/2 டீஸ்பூன் சீரகம் (மூட்டைக்கு)
• 1/2 டீஸ்பூன் மிளகு (மூட்டைக்கு)
• 3 பச்சை மிளகாய் (மூட்டைக்கு)

செய்முறை

1. நன்றாக பழுத்த கெட்டியான சிகப்பு தக்காளியை வாங்கவும்.
2. காம்பின் பக்கம் பச்சையான பாகம் இருந்தால் அறுத்து எடுத்துவிடவும்.
3. ஒரு அகலமான பெரிய பாத்திரத்தில் தண்ணீர் விட்டுச் சூடாக்கவும்.
4. தண்ணீர் கொதிக்க ஆரம்பிக்கும் போது முழு தக்காளிகளையும் அதில் போட்டு ஒரு கொதிவரும் வரை சூடாக்கவும்.
5. அடுப்பை அணைத்துவிட்டு சில நிமிடங்கள் மூடி வைக்கவும்.
6. தண்ணீரை வடித்துவிட்டு தக்காளியின் தோலை எடுத்துவிட்டு நன்றாக அரைத்து வடிகட்டவும்.
7. வடிகட்டிய தக்காளி ஜூஸை பெரிய பாத்திரத்தில் விட்டு மெல்லிய துணி மூட்டையை அதில் போட்டு நன்றாகக் கொதிக்க விடவும்.
8. தக்காளி கொதித்து மூன்றில் ஒரு பாகமாக ஆனதும் கெட்டியாக, உப்பு, சர்க்கரை சேர்த்து அடுப்பிலிருந்து இறக்கவும்.
9. இறக்கியதும் வினிகர் மற்றும் பொட்டாசியம்-மெடா-பை-சல்பைட் சேர்த்து கலக்கவும்.
10. நன்றாக ஆறியதும் மூட்டை கட்டிப் போட்ட பையை எடுத்து எறிந்து விடவும்.
11. சுத்தமான, ஈரமில்லாத பாட்டிலில் ஊற்றி மூடி வைக்கவும்.