ஸ்டப் செய்த தக்காளி

பொருட்கள்

• 8 ஒரே அளவான தக்காளி
• 1/4 கப் நறுக்கிய வெங்காயம்
• 1/4 கப் பொடியாக நறுக்கிய வெங்காயத் தாள்
• 1/2 கப் வேகவைத்த பட்டாணி
• 1/2 கப் பொடியாக அரிந்து வேகவைத்த கேரட், காலிப்ளவர்
• 2 டீஸ்பூன் வோர்செஸ்டர்ஷயர் சாஸ்
• தேவையான அளவு உப்பு
• 1/2 டீஸ்பூன் மிளகுத்தூள்
• 1/2 டீஸ்பூன் மிளகாய்ப் பொடி
• 2 டேபிள் ஸ்பூன் துருவிய சீஸ்
• எண்ணெய் (சூடுவதற்கு)
• 2 டீஸ்பூன் மிளகாய் சாஸ் (அ) குடமிளகாய் சாஸ்

செய்முறை

1. பழுத்த, கெட்டியான ஒரே அளவுள்ள தக்காளியை வாங்கவும். கூம்பான பகுதியில் மெல்லிய மூடி போல கூரான கத்தி கொண்டு வெட்டவும். உள்ளே சதைப் பாகத்தையும் விதைகளையும் ஸ்பூன் உதவியால் பத்திரமாக எடுக்கவும். தலைகீழாக ஒரு தட்டில் கவிழ்த்து வைக்கவும்.
2. வாணலியில் எண்ணெயைச் சூடாக்கி வெங்காயத்தை சிவக்க வதக்கவும். தக்காளியின் உள்ளே இருந்து எடுத்த விழுதைச் சேர்த்து நன்கு கிளறவும். தண்ணீர் வற்றியதும் காய்கறி சேர்த்து வதக்கவும்.
3. கடைசியில் உப்பு, மிளகுத்தூள், மிளகாய்த்தூள், சாஸ் வகைகள் சேர்த்து மெல்லிய அனலில் மேலும் சில நிமிடங்கள் கெட்டியாகும் வரை கிளறவும்.
4. ஆறியதும், தக்காளியின் உள்ளே இந்த மசாலாவை நிரப்பி மேலே துருவிய சீஸ் தூவி, சூடாக்கிய ஓவனில் (Oven - 180°C) பேக் செய்யவும். மேலே உள்ள சீஸ் உருகி சிறிது நிறம் மாறத் தொடங்கியதும் ஓவனில் இருந்து எடுத்து அலங்காரமாகத் தட்டில் வைத்து பரிமாறவும்.