புளி வடை அல்லது புலுசு வடை

பொருட்கள்

• 1 கப் புழுங்கல் அரிசி
• 1 கப் பொடியாக நறுக்கிய சிவப்பு பூசணிக்காய்
• 10 சிகப்பு மிளகாய்
• நெல்லிக்காய் அளவு புளி
• தேவைக்கேற்ப உப்பு
• 1 சிட்டிகை பெருங்காயம்
• 2 டேபிள் ஸ்பூன் பொடியாக நறுக்கிய கறிவேப்பிலை, கொத்தமல்லித் தழை
• 1 டேபிள் ஸ்பூன் கடலைப் பருப்பு (1/2 மணி நேரம் தண்ணீரில் ஊறவைக்கவும்)
• எண்ணெய் (பொரிக்கத் தேவையான அளவு)

செய்முறை

1. அரிசியைக் கழுவி இளஞ்சூடான தண்ணீரில் 2 மணி நேரம் ஊற வைக்கவும்.
2. அரைக்கும்போது மிளகாய், வேகவைத்த பூசணிக்காய், ஊறவைத்த புளி, உப்பு சேர்த்து கெட்டியாக அரைக்கவும் (தண்ணீர் சேர்க்காமல் அரைக்கவும்).
3. அரைத்த மாவோடு ஊறவைத்த கடலைப் பருப்பு, கொத்தமல்லி, கறிவேப்பிலைத் தழை, பெருங்காயப் பொடி சேர்த்து கலக்கவும்.
4. எலுமிச்சையளவு உருண்டைகள் செய்து ஒரு ஈரத்துணியின் மேல் மெல்லிய வடையாகத் தட்டி எடுத்து எண்ணெயில் பொரிக்கவும்.
5. மாற்று செய்முறை: (1) புழுங்கலரிசியோடு 1/4 கப் பச்சரிசியும் சேர்த்து ஊறவைத்து அரைக்கவும். (2) பூசணிக்காய்க்கு பதில் கைப்பிடி அளவு ஊறவைத்த துவரம்பருப்பும் 1½ டேபிள் ஸ்பூன் துருவிய தேங்காயும் சேர்த்தரைக்கவும். (3) பூசணிக்குப் பதிலாக வேகவைத்த குச்சிவெள்ளிக் கிழங்கு சேர்த்தரைத்து வடை செய்யவும்.