பெருகு வடை

பொருட்கள்

• 1 கப் புளித்த கெட்டித் தயிர்
• 1 கப் அரிசி மாவு (அரிசியை ஊறவைத்து நிழலில் உலர வைத்து தயாரித்தது)
• 2 டீஸ்பூன் பச்சை மிளகாய் விழுது
• 2 டேபிள் ஸ்பூன் நறுக்கிய கொத்தமல்லித் தழை
• தேவைக்கேற்ப உப்பு
• 1 டேபிள் ஸ்பூன் ஊறவைத்த கடலைப் பருப்பு
• எண்ணெய் (பொரிக்கத் தேவையான அளவு)

செய்முறை

1. தயிரைக் கடைந்து அதோடு 1/4 கப் தண்ணீர் சேர்த்து வடிகட்டவும்.
2. அடி கனமான வாணலி அல்லது வெண்கல உருளியில் கடைந்த தயிரைக் கொட்டி, உப்பு சேர்த்து குறைந்த தணலில் சூடாக்கவும்.
3. கொதி வரும்போது, மத்தியில் அரிசி மாவை அப்படியே கொட்டி, உடனே ஸ்டவ்வை அணைத்து விடவும்.
4. தட்டையான கரண்டியால் உடனே வேகமாகக் கலந்து விடவும் (அப்போதுதான் கட்டி தட்டாது).
5. கை பொறுக்கும், சூடு வந்ததும் நன்றாகப் பிசைந்து விடவும். கடைசியில் மிளகாய்விழுது ஊறவைத்த கடலைப் பருப்பு மற்றும் கொத்தமல்லித் தழை சேர்த்துக் கலக்கவும்.
6. சிறிய எலுமிச்சையளவு உருண்டை செய்து, கைகளால் ஒரு வாழையிலையின் மீது அல்லது பாலீதீன் கவரின் மீது மெலிதாகத் தட்டவும்.
7. தட்டிய வடையை மிதமான சூடுள்ள எண்ணெயில் பொரித்தெடுக்கவும்.
8. குறிப்பு: இதை அதிக நேரம் பொரிக்கக் கூடாது. இந்த வடை மெத்தென்றுதான் இருக்கவேண்டும். ஒருபுறம் சிவந்ததும் திருப்பிப் போட வேண்டாம். லேசாகக் கலர் மாறியதும் எடுத்து எண்ணெயை நன்றாக வடித்து விட்டு பரிமாறவும்.