பனீர் பக்கோடா

பொருட்கள்

• 1 கப் பனீர் (திரித்த பாலிலிருந்து செய்து கைகளால் உதிரியாக்கவும்)
• 1/2 கப் கடலை மாவு
• 1/4 கப் அரிசி மாவு
• 1/2 கப் நீளவாக்கில் அரிந்த வெங்காயம்
• தேவைக்கேற்ப உப்பு
• 1/2 டீஸ்பூன் மிளகாய்ப் பொடி
• 10 நறுக்கிய முந்திரி
• 1 டேபிள் ஸ்பூன் பொடியாக நறுக்கிய கொத்தமல்லி, புதினாத் தழை
• எண்ணெய் (பொரிக்கத் தேவையான அளவு)

செய்முறை

1. கொதிக்கும் பாலை சிட்ரிக் ஆசிட் உபயோகித்து திரித்து வடிகட்டி 1 மணி நேரம் தொங்கவிடவும்.
2. தண்ணீர் முழுவதும் வடிந்ததும் கைகளினால் கட்டியில்லாமல் உதிரியாக்கவும்.
3. இதோடு மற்ற மாவு வகைகளையும் உப்பு, மிளகாய்த்தூள் சேர்த்து நன்றாக பிசறிவிடவும்.
4. கடைசியில் வெங்காயம், முந்திரி, கொத்தமல்லி, புதினா சேர்த்து லேசாகக் கலக்கவும்.
5. இரண்டு டேபிள் ஸ்பூன் சூடான எண்ணெயை அதில்விட்டு கலக்கவும். கலவையை மூன்று பாகமாகப் பிரிக்கவும்.
6. முதல் பாகத்தில் தேவைப்பட்டால் சிறிதளவே தண்ணீர் தெளித்து மாவு ஒன்றொடொன்று ஒட்டிக் கொள்ளும்படி பிசறிவிடவும். கைகளினால் கலவையை எடுத்து சூடான எண்ணெயில் நேரடியாக பெரிய துண்டங்களாகப் பிரித்துப் போட்டு பொன்னிறமாக பொரித்தெடுக்கவும்.
7. ஒரு பாகம் மாவு தீர்ந்தபின் அடுத்த பாகத்திற்கு தண்ணீர் தெளித்து கலக்கவும். உடனே எண்ணெயில் பொரிக்கவும்.
8. சூடாக உடனே பரிமாறினால் சுவையாக இருக்கும். மிச்சம் இருப்பதை ஆறியதும் டப்பாவில் போட்டு வைத்தால் 3 நாட்கள் வரை உபயோகப்படுத்தலாம்.