பாலக் மெதுபக்கோடா

பொருட்கள்

• 1 கப் பாசிப் பருப்பு
• 3/4 கப் நறுக்கிய பசலைக்கீரை
• 1/4 கப் பொடியாக நறுக்கிய வெங்காயம்
• 1 டேபிள் ஸ்பூன் பொடியாக நறுக்கிய பச்சை மிளகாய்
• 1 சிட்டிகை பேகிங் பவுடர்
• தேவைக்கேற்ப உப்பு
• எண்ணெய் (பொரிக்கத் தேவையான அளவு)

செய்முறை

1. பருப்பைக் கழுவி முழுகும்வரை தண்ணீர் விட்டு 3 மணி நேரம் ஊற வைக்கவும்.
2. தண்ணீரை முழுவதுமாக வடித்துவிட்டு நுரைக்க வடைமாவு போல அரைத்துக் கொண்டு உப்பைச் சேர்த்து கடைசியில் அரைக்கவும்.
3. இதோடு நறுக்கிய கீரை, மிளகாய், வெங்காயம், பேகிங் பவுடர் சேர்க்கவும். கைகளினால் லேசாகக் கலந்துவிடவும்.
4. சூடான எண்ணெயில் ஈரக் கைகளால் அல்லது ஒரு ஸ்பூன் உதவியால் சிறிய உருண்டைகளாகப் போடவும்.
5. பொன்னிறமானதும் எடுத்து நன்றாக எண்ணெயை வடியவிட்டு சூடாகப் பரிமாறவும்.
6. மாற்று செய்முறை: (1) வேறு எந்த கீரையும் உபயோகப்படுத்தி இதே போல பக்கோடா செய்யலாம். (2) இஞ்சி, பச்சை மிளகாய் விழுதாக அரைத்து மாவில் கீரையோடு சேர்த்துக் கொள்ளலாம்.