மைசூர் போண்டா

பொருட்கள்

• 1 கப் முழு வெள்ளை உளுந்து
• 1 டேபிள் ஸ்பூன் துவரம் பருப்பு
• எண்ணெய் (பொரிப்பதற்கு)
• 12 பச்சை மிளகாய்
• 1 அங்குலத் துண்டு இஞ்சி
• 2 டேபிள் ஸ்பூன் பொடியாக நறுக்கிய தேங்காய்
• தேவைக்கேற்ப உப்பு
• 1 டீஸ்பூன் மிளகு (கரகரப்பாக பொடியாக்கவும்)
• 1/2 டீஸ்பூன் சீரகம் (கரகரப்பாக பொடியாக்கவும்)

செய்முறை

1. உளுந்தையும், துவரம் பருப்பையும் கழுவி தண்ணீரில் 3 மணி நேரம் ஊற வைக்கவும்.
2. ஊறிய பின் நீரை நன்றாக வடித்துவிட்டு மாவை நுரைக்க அரைக்கவும். கடைசியில் உப்பு சேர்த்து அரைத்தெடுக்கவும்.
3. இஞ்சி, பச்சை மிளகாயை மிகப் பொடியாக அரியவும்.
4. தேங்காய், அரிந்த பொருட்கள், மிளகு சீரகப் பொடி ஆகியவற்றை மாவோடு சேர்த்துக் கலக்கவும்.
5. ஈரக் கையால் கொஞ்சம் கொஞ்சமாக மாவு எடுத்து உருண்டையாக்கி சூடான எண்ணெயில் கொள்ளுமளவிற்கு போட்டு பொரித்தெடுக்கவும்.
6. பொன்னிறமாகப் பொரிந்ததும் எடுத்து வடிதட்டின் உதவியால் எண்ணெயை நன்றாக வடித்து சூடாகப் பரிமாறவும்.
7. இதற்கு தொட்டுக்கொள்ள தேங்காய் சட்னி, தொக்கு அல்லது தக்காளி சாஸ் பரிமாறலாம்.