ஹண்ட்வோ

பொருட்கள்

• 1 கப் கடலை மாவு
• 1 கப் அரிசி மாவு
• 1 1/2 டீஸ்பூன் உப்பு
• 1/2 கப் நறுக்கிய கொத்தமல்லித் தழை
• 3/4 டீஸ்பூன் எள்ளு
• 1 டேபிள் ஸ்பூன் பொட்டுக்கடலை (பொடித்தது)
• 1/2 டீஸ்பூன் தனியா
• 2 கப் புளித்த மோர்
• 2 சிட்டிகை பெருங்காயம்
• 1/4 டீஸ்பூன் சமையல் சோடா
• 1 டேபிள் ஸ்பூன் எண்ணெய் (தாளிக்க)
• 1/2 டீஸ்பூன் கடுகு (தாளிக்க)
• 1 டேபிள் ஸ்பூன் கறிவேப்பிலை (தாளிக்க)
• 10 பச்சை மிளகாய் (அரைக்க)
• 1 அங்குலத்துண்டு இஞ்சி (அரைக்க)
• 1 பல்லு பூண்டு (அரைக்க)

செய்முறை

1. அரிசி மாவு, கடலைமாவோடு பொடித்த பொட்டுக்கடலை, எள்ளு, தனியா, உப்பு சேர்த்து மோரில் கலந்து 10 மணி நேரம் மூடி வைக்கவும்.
2. சுடுவதற்கு முன் அரைத்த விழுது, சோடா, கொத்தமல்லி, பெருங்காயம் சேர்த்து எண்ணெயில் கடுகு, கறிவேப்பிலை தாளித்துக் கொட்டி நன்றாகக் கலக்கவும்.
3. ஒரு அகலமான வாணலியை எடுத்துக் கொண்டு 1½ டேபிள் ஸ்பூன் எண்ணெய் விட்டுச் சூடாக்கவும். வாணலிக்குத் தகுந்தபடி 1/4 அங்குல கனத்திற்கு கலந்த மாவை ஊற்றி மூடியால் மூடி குறைந்த அனலில் வைக்கவும்.
4. மேல் பாகம் பச்சைமாவு இல்லாமல் வெந்து இருக்கும்போது மெதுவாகத் திருப்பிப் போட்டு மேலும் எண்ணெய் விடவும். இருபுறமும் நன்கு சிவந்து உள்ளே உள்ள மாவு நன்கு வெந்ததும் எடுக்கவும்.
5. சதுரத் துண்டங்களாக அரிந்து பரிமாறவும். குறிப்பு: இதையே ஓவனிலும் பேக் செய்யலாம்.