கீரை கட்லெட்

பொருட்கள்

• 1 கப் கடலைப் பருப்பு
• 3 வெங்காயம்
• 2 கட்டு முளைக்கீரை
• 2 டேபிள் ஸ்பூன் இஞ்சி, பச்சை மிளகாய் விழுது
• 10 ரொட்டித் துண்டுகள்
• 5 டேபிள் ஸ்பூன் காய்ந்த ரொட்டித் தூள்
• 2 டேபிள் ஸ்பூன் மக்காச்சோள மாவு
• 1 டேபிள் ஸ்பூன் கரம் மசாலா பொடி
• 1 எலுமிச்சம்பழம்
• தேவையான அளவு உப்பு
• எண்ணெய் (சுடுவதற்கு)

செய்முறை

1. கடலைப் பருப்பைக் கழுவி முழுகும்வரை தண்ணீர் ஊற்றி பிரஷர் குக்கரில் ஒரு விசில் சத்தம் வரும்வரை வேகவைக்கவும் (இல்லாவிடில் தனியாகவே அரை வேகாடு வேகும்வரை வேக வைக்கவும்).
2. அரைவேகாடு வெந்ததும் தண்ணீரை நன்றாக வடித்துவிட்டு கரகரப்பாக அரைக்கவும் (இல்லாவிடில் சூடாக இருக்கும்போதே மத்தால் மசித்து விடவும்). வெங்காயம், கீரையைக் கழுவி பொடியாக அரியவும்.
3. வாணலியில் எண்ணெய்விட்டு இஞ்சி மிளகாய் விழுது அரிந்த வெங்காயம் சேர்த்து வதக்கவும். வெங்காயம் பாதி வதங்கியதும் கீரையைச் சேர்த்து ஈரம் வற்றி, பச்சை வாசனை போகும்வரை வதக்கவும்.
4. கடைசியில் மசித்த பருப்பைச் சேர்த்து சில நிமிடங்கள் கலந்து விடவும். உப்பு, கரம்மசாலாத் தூள், எலுமிச்சைசாறு சேர்த்து அடுப்பிலிருந்து இறக்கவும்.
5. ரொட்டித் துண்டங்களை ஒவ்வொன்றாக தண்ணீரில் முக்கிப் பிழிந்துவிட்டு கீரை கலவையோடு சேர்க்கவும். நன்றாகப் பிசைந்து உருண்டையாக்கித் தட்டி கட்லெட் போல செய்து மேலே காய்ந்த ரொட்டித் தூளால் புரட்டித் தனியாக வைக்கவும்.
6. தோசைக்கல்லில் அதிக எண்ணெய்விட்டு இருபுறமும் நன்றாக சிவக்க சுட்டு எடுக்கவும். சூடாக சாஸுடன் பரிமாறவும்.
7. குறிப்பு: எந்த வகையான கட்லெட்டாக இருந்தாலும் ஷேப் செய்தபிறகு 1/2 மணி நேரம் ப்ரிஜ்ஜில் வைத்திருந்து சிறிது இறுகியபின் சுட்டால் நன்றாக இருக்கும்.