கெருகு வடை

பொருட்கள்

• 1 கப் கழுவி காயவைத்த அரிசி மாவு (தயாரிப்பு முறை குறிப்பில்)
• 1 கப் தண்ணீர்
• 2 டீஸ்பூன் நெய்
• 1 1/2 டேபிள் ஸ்பூன் பொட்டுக்கடலை மாவு
• 1 டேபிள் ஸ்பூன் கரகரப்பாக பொடி செய்த வேர்க்கடலை
• தேவைக்கேற்ப உப்பு
• 1/2 டீஸ்பூன் மிளகாய் பொடி
• 1 டேபிள் ஸ்பூன் நறுக்கிய கறிவேப்பிலை, கொத்தமல்லித் தழை
• எண்ணெய் (பொரிக்கத் தேவையான அளவு)
• 2 டீஸ்பூன் எள்
• 2 டீஸ்பூன் பயத்தம் பருப்பு (தண்ணீரில் ஊறவைக்கவும்)
• 2 டீஸ்பூன் கடலைப் பருப்பு (தண்ணீரில் ஊறவைக்கவும்)

செய்முறை

1. தண்ணீரை ஒரு அடிகனமான பாத்திரத்தில் விட்டு உப்பும், நெய்யும் சேர்த்து சூடாக்கவும்.
2. தண்ணீர் கொதிக்கும்போது மாவை அப்படியே மத்தியில் கொட்டி உடனே ஸ்டவ்வை அணைத்து விடவும்.
3. இறக்கி வைத்து கரண்டியில் நன்றாகக் கலக்கவும்.
4. கை பொறுக்கும் சூடு வந்ததும் உருக்கிய நெய் மற்றும் எள், வேர்க்கடலைப் பொடி, ஊறவைத்த பயத்தம் பருப்பு, கடலைப் பருப்பு சேர்த்து நன்றாகப் பிசையவும்.
5. தண்ணீர் பற்றாவிடில் சிறிது தண்ணீர் தெளித்துப் பிசையவும்.
6. எலுமிச்சையளவு உருண்டைகள் செய்து ஒரு பாலீதீன் பேப்பரின் மேல் மெலிதாகத் தட்டி எண்ணெய் கொள்ளுமளவிற்குப் போட்டு கரகரப்பாக பொரித்தெடுக்கவும். சூடாகப் பரிமாறவும்.
7. அரிசி மாவு செய்முறை: பச்சரிசியை 1/2 மணி நேரம் தண்ணீரில் ஊற வைத்து, தண்ணீரை நன்றாக வடித்து ஒரு துணியின் மேல் பரப்பி நிழலில் காய வைக்கவும். ஈரம் போனபின் மாவு மிஷினில் பொடி செய்து வரவும். மறுபடியும் 1 அல்லது 2 நாள் நிழலில் காயவைத்து டப்பாவில் பத்திரப்படுத்தவும்.