முருங்கைக்காய் வடை

பொருட்கள்

• 1 கப் கடலைப்பருப்பு
• 1 கப் பொட்டுக்கடலை
• 5 முருங்கைக்காய்
• 2 பெரிய வெங்காயம்
• 3 (அ) 4 சிறிய வெங்காயம்
• 10 (அ) 12 பச்சை மிளகாய்
• 2 பல்லு பூண்டு
• 1/2 டீஸ்பூன் சோம்பு
• தேவைக்கேற்ப உப்பு
• எண்ணெய் (பொரிக்கத் தேவையான அளவு)

செய்முறை

1. கடலைப் பருப்பை தண்ணீரில் 2 மணி நேரம் ஊறவைக்கவும்.
2. முருங்கைக்காயை வேகவைத்து உள்ளே உள்ள விழுதை வழித்தெடுக்கவும்.
3. ஊறிய பருப்போடு பொட்டுக்கடலை சேர்த்து அரைக்கவும்.
4. பாதியளவு அரைபட்டவுடன், இடித்த பூண்டு, சின்ன வெங்காயம், பச்சை மிளகாய் மற்றும் முருங்கைக்காய் விழுது, உப்பு சேர்த்து கரகரப்பாக அரைக்கவும்.
5. கடைசியில் சோம்பு, பொடியாக அரிந்த வெங்காயம் சேர்த்து கலக்கவும்.
6. மசால் வடையைப் போல தட்டி எண்ணெயில் பொரிக்கவும். சூடாகப் பரிமாறவும்.
7. மாற்று செய்முறை -- வாழைப்பூ வடை: வாழைப் பூவின் மத்தியில் உள்ள மஞ்சள் மகரந்தக் காம்பை எடுத்துவிட்டு பூவை சிறிது உப்பு சேர்த்து குக்கரில் ஆவியில் வேகவைக்கவும். மேலே குறிப்பிடப்பட்டுள்ள வடை செய்முறையில் முருங்கைக்காய்க்குப் பதில் இந்த வாழைப்பூவை சேர்த்து அரைத்து வடை சுடவும்.