சீன காய்கறி பகோடா

பொருட்கள்

• 3 பெரிய வெங்காயம்
• 3 கேரட்
• 200 கிராம் முட்டைக்கோஸ்
• 2 குடமிளகாய்
• 1/2 டீஸ்பூன் சீன உப்பு (Ajinomoto)
• 2 டீஸ்பூன் சோயா சாஸ்
• 2 டீஸ்பூன் மிளகாய் சாஸ்
• 1 டேபிள் ஸ்பூன் தக்காளி சாஸ்
• தேவையான அளவு உப்பு
• 2 டேபிள் ஸ்பூன் காய்ந்த ரொட்டித் தூள்
• 1 டேபிள் ஸ்பூன் மக்காச்சோள மாவு
• 1 டேபிள் ஸ்பூன் மைதா
• 2 டேபிள் ஸ்பூன் கடலை மாவு
• எண்ணெய் (தேவையான அளவு)

செய்முறை

1. வெங்காயத்தையும், குடமிளகாயையும் மெல்லிய வட்ட வடிவ துண்டங்களாக்கவும். கேரட், கோஸ் இரண்டையும் தீக்குச்சிகளைப் போல நறுக்கிக் கொள்ளவும்.
2. அரிந்த காய்கறிகள் எல்லாவற்றையும் ஐஸ் போட்ட தண்ணீரில் 1/2 மணி நேரம் போட்டு வைக்கவும் (காய்கறிகள் இதனால் சிறிது கெட்டிப்படும்). தண்ணீரிலிருந்து காய்கறிகளைப் பிழிந்து எடுத்து ஒரு துணியின் மேல் பரப்பி தண்ணீரைத் துடைத்து எடுக்கவும்.
3. துடைத்தபின் ஒரு தட்டின் மேல் பரப்பி அதோடு உப்பு, மிளகாய்த் தூள், சீன உப்பு, சாஸ் வகைகள் சேர்த்து கலந்து 10 நிமிடம் அப்படியே வைக்கவும்.
4. ஊறியபின் மாவு வகைகளையும், காய்ந்த ரொட்டித் தூளையும் தூவி கலந்து சூடான எண்ணெயில் பிடிக்கும்வரை கைகளால் பிசறி விடவும் (பகோடா போடுவது போல). மொறு மொறுவென்று பொரிந்ததும் சல்லடைக் கரண்டியால் எடுத்து எண்ணெயை நன்கு வடிய விட்டு சூடாகப் பரிமாறவும்.