காலிப்ளவர் கபாப்

பொருட்கள்

• 1 கப் கடலைப் பருப்பு
• 1 காலிப்ளவர்
• 6 துண்டுகள் ரொட்டி
• 1/4 கப் பொடியாக நறுக்கிய வெங்காயம்
• 1 டேபிள் ஸ்பூன் பொடியாக நறுக்கிய கொத்தமல்லித் தழை
• 2 டேபிள் ஸ்பூன் கடலை மாவு
• தேவைக்கேற்ப உப்பு
• 2 டேபிள் ஸ்பூன் ரொட்டித் தூள்
• 1 டீஸ்பூன் சீரகம்
• 1 டேபிள் ஸ்பூன் கசகசா
• 2 ஏலக்காய்
• 2 பல்லு பூண்டு
• 2 இலவங்கம்
• 7 காய்ந்த மிளகாய்
• எண்ணெய் (பொரிப்பதற்கு)
• வெள்ளை வெங்காயம் (வினிகர் வெங்காயத்திற்கு)
• சிறிது உப்பு, வெள்ளை மிளகுத் தூள், சர்க்கரை, அஜி-நோ-மோட்டோ, மால்ட் வினிகர் (வினிகர் வெங்காயத்திற்கு)

செய்முறை

1. காலிப்ளவரை நன்றாகக் கழுவி பெரிய பூக்களாகப் பிரித்தெடுக்கவும். சல்லடை போன்ற கிண்ணத்தில் போட்டு குக்கரில் ஆவியில், மேல் தட்டில் 3 நிமிடங்கள் வேக வைக்கவும் (வெயிட் போடவேண்டாம்).
2. பருப்பைக் கழுவி தண்ணீர் விட்டு குக்கரில் ஒரு விசில் சத்தம் வரும்வரை வெயிட் வைத்து வேக வைக்கவும் (அதிகம் வேகக் கூடாது). வெந்த பருப்பின் தண்ணீரை நன்கு வடித்துவிடவும்.
3. கசகசாவையும், சீரகத்தையும் தனித்தனியாக வேறு வாணலியில் வறுத்துக் கொள்ளவும். அதோடு சிகப்பு மிளகாய், பூண்டு, ஏலக்காய், இலவங்கம் சேர்த்து மிக்ஸியில் பொடி செய்து கொள்ளவும் (பொடி சரியாக வராவிடில் சிறிதளவே தண்ணீர் விட்டு அரைக்கவும்).
4. கடைசியில் வெந்த காலிப்ளவர், பருப்பைச் சேர்த்து கரகரப்பாக அரைக்கவும். வாணலியில் எண்ணெய் விட்டு வெங்காயத்தை சிவக்க வதக்கி, அரைத்த விழுதைக் கொட்டி சில நிமிடங்கள் கிளறவும் (ஈரம் நன்கு வற்றும் வரை).
5. பிரட்டை ஒவ்வொன்றாகத் தண்ணீரில் முக்கி நன்கு பிழிந்துவிட்டு இக் கலவையில் சேர்க்கவும். உப்பு, கொத்தமல்லித் தழை, சிறிது கடலைமாவு சேர்த்து நன்றாகப் பிசையவும் (சப்பாத்தி மாவு போல கெட்டியாக இருக்க வேண்டும்).
6. முன்பு கூறியது போல நீளவாக்கில் உருட்டி எண்ணெயில் பொரிக்கவும் அல்லது ஓவனில் 'Skewers' உபயோகப்படுத்தி பேக் செய்யவும். பரிமாறும் முன் இரண்டு அல்லது மூன்று துண்டங்களாக வெட்டி வினிகர் வெங்காயத்துடன் பரிமாறவும்.
7. வினிகர் வெங்காயம்: வெள்ளை வெங்காயத்தை வட்ட வடிவமாக மெலிதாக நறுக்கவும் (rings) அல்லது மெல்லிய நீளத் துண்டங்களாக அரிந்து அதோடு உப்பு, வெள்ளை மிளகுத் தூள், சிறிது சர்க்கரை, அஜி-நோ-மோட்டோ மற்றும் மால்ட் வினிகர் சேர்த்து கலக்கவும். 1/2 மணி நேரம் ஊறியதும் பரிமாறவும்.