கேரளா மீன் குழம்பு

பொருட்கள்

• 500 கிராம் வஞ்சிரம் அல்லது சுறா மீன்
• 2 பெரிய வெங்காயம்
• 1 தக்காளி
• 2 பச்சை மிளகாய்
• 2 தேக்கரண்டி நல்லெண்ணெய் (தேவையான அளவு கூடுதலாக)
• 5 மேஜைக்கரண்டி தேங்காய் துருவல்
• 1 தேக்கரண்டி சோம்பு (பெருஞ்சீரகம்)
• 6 பல் பூண்டு
• 1 தேக்கரண்டி மிளகாய் தூள்
• 1 தேக்கரண்டி தனியா தூள்
• சிறிதளவு மஞ்சள் தூள்
• தேவையான அளவு உப்பு
• கறிவேப்பிலை (வறுத்தது)

செய்முறை

1. 500 கிராம் வஞ்சிரம் அல்லது சுறா மீன் துண்டுகளை தயாராக வைத்துக் கொள்ளவும். 2 பெரிய வெங்காயம், 1 தக்காளி, 2 பச்சை மிளகாய்களை நறுக்கிக் கொள்ளவும். வாணலியில் 2 தேக்கரண்டி நல்லெண்ணெய் ஊற்றி சூடேறியதும் 5 மேஜைக்கரண்டி துருவல், 1 தேக்கரண்டி சோம்பு வறுத்து எடுத்து வழுவழுப்பாக அரைத்துக் கொள்ளவும். வாணலியில் மீண்டும் எண்ணெய் ஊற்றி, சூடேறியதும் நறுக்கிய வெங்காயம், 6 பல் பூண்டு, பச்சை மிளகாய், தக்காளி போட்டு வதக்கவும். வதங்கியபின் 1 டம்ளர் வெந்நீர் ஊற்றவும். இதில் 1 தேக்கரண்டி மிளகாய் தூள், 1 தேக்கரண்டி தனியா தூள், மஞ்சள் தூள், தேவையான உப்பு போட்டு கொதிக்க விடவும். கொதித்ததும் மீன் துண்டுகளைப் போடவும். மீன் துண்டுகள் வெந்ததும் அரைத்த மசாலாவைப் போட்டு சில நிமிடங்கள் கொதித்ததும் வறுத்த கறிவேப்பிலையைப் போட்டு இறக்கி உபயோகிக்கவும்.